വന്യജീവികള്‍ക്ക് നെയ്ക്കുപ്പ വനത്തില്‍ ആകാശപാത ഒരുക്കി വനം വകുപ്പ് ജീവനക്കാര്‍ .
ചെതലത്ത് റേഞ്ചില്‍ പുല്‍പ്പള്ളി ഫോറസ്റ്റ് സ്റ്റേഷന്‍ പരിധിയില്‍ 100 ക്കണക്കിന് വാഹനങ്ങള്‍ കടന്നു പോകുന്ന നടവയല്‍-നെയ്ക്കുപ്പ- പുല്‍പ്പള്ളി കാനന പാതയിലാണ് ആകാശ പാത നിര്‍മ്മിച്ചിരിക്കുന്നത്.ഹനുമാന്‍ കുരങ്ങ്, നാടന്‍ കുരങ്ങ്,മലയണ്ണാന്‍ തുടങ്ങിയ ജീവികള്‍ക്ക് അപകട ഭീഷണി ഒഴിവാക്കി സൈ്വര്യമായി റോഡ് മുറിച്ചു കടക്കുന്നതിന് വേണ്ടിയാണ് പുല്‍പ്പള്ളി ഫോറസ്റ്റ് സ്റ്റേഷന്‍ ജീവനക്കാര്‍ആകാശ പാത ഒരുക്കിയതെന്ന് ചെതലയം റേഞ്ച് ഓഫീസര്‍ അബ്ദുള്‍ സമദ് പറഞ്ഞു . നെയ്ക്കുപ്പ ചെക്ക്‌പോസ്റ്റിന് സമീപത്ത് ഹനുമാന്‍ കുരങ്ങുകളുടെ ആവാസകേന്ദ്രമാണ്.
