വൈത്തിരി ഗ്രാമ പഞ്ചായത്തിലെ മാവേലിപ്പാലത്തിന്റെ ഉദ്ഘാടനം കായിക ക്ഷേമ വകുപ്പ് മന്ത്രി വി. അബ്ദുറഹ്‌മാന്‍ നിര്‍വഹിച്ചു. ചടങ്ങില്‍ ടി. സിദ്ദിഖ് എം.എല്‍.എ അധ്യക്ഷനായിരുന്നു. എക്‌സിക്യുട്ടിവ് എഞ്ചിനീയര്‍ എ ശ്രീനിവാസന്‍ റിപ്പോര്‍ട്ട് അവതരിപ്പിച്ചു. മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി രണ്ട് കോടി നാല്‍പത് ലക്ഷം രൂപ ചെലവിലാണ് പാലം നിര്‍മ്മിച്ചത്. അഞ്ഞൂറോളം കുടുംബങ്ങള്‍ക്കും വൈത്തിരി ഗവ. ഹയര്‍ സെക്കണ്ടറി സ്‌കൂളില്‍ പഠിക്കുന്ന ആയിരത്തോളം വിദ്യാര്‍ത്ഥികള്‍ക്കും പാലം ഉപകാരപ്രദമാവും. വൈത്തിരി ഹൈസ്‌കൂള്‍, കരിമ്പിന്‍ കണ്ടി, തളിമല, വേങ്ങക്കോട്ട്, കണ്ണാടിച്ചോല എന്നിവിടങ്ങളിലേക്കുള്ള യാത്ര ഇതോടെ എളുപ്പമാകും.
വൈത്തിരി ഗ്രാമ പഞ്ചായത്ത് പ്രസിഡന്റ് എം.വി വിജേഷ്, മുന്‍ എം.എല്‍.എയും സഹകരണ ബോര്‍ഡ് വൈസ് ചെയര്‍മാനുമായ സി.കെ ശശീന്ദ്രന്‍, ബ്ലോക്ക് പഞ്ചായത്ത് മെമ്പര്‍മാരായ വി. ഉഷാ കുമാരി, എല്‍സി ജോര്‍ജ്, ഗ്രാമ പഞ്ചായത്ത്‌സ് വൈ പ്രസിഡന്റ് ഉഷ ജ്യോതിദാസ്, സ്ഥിരം സമിതി അധ്യക്ഷന്‍മാരായ കെ.കെ തോമസ്, ഒ ജിനിഷ, എന്‍. ഒ ദേവസ്യ, മെമ്പര്‍മാരായ വി.എ സുജിന, ബി. ഗോപി, കെ.ആര്‍ ഹേമലത, പി.കെ ജയപ്രകാശ്, ഡോളി ജോസ്, എന്‍.കെ ജ്യോതിഷ് കുമാര്‍, മേരികുട്ടി മൈക്കിള്‍, ജോഷി വര്‍ഗീസ്, വല്‍സല സദാനന്ദന്‍, സംസ്ഥാന സ്‌പോര്‍ട്‌സ് കൗണ്‍സില്‍ മെമ്പര്‍ കെ റഫീക്, ഗ്രാമ പഞ്ചായത്ത് സെക്രട്ടറി കെ.എസ് സജീഷ് തുടങ്ങിയവര്‍ സംസാരിച്ചു. ജനപ്രതിനിധികള്‍, രാഷ്ട്രീയ സാംസ്‌കാരിക പ്രവര്‍ത്തകര്‍, നാട്ടുക്കാര്‍ തുടങ്ങിയവര്‍ പങ്കെടുത്തു.
