കുടുംബശ്രീ ബത്തേരി താലൂക്ക്തല കലോത്സവത്തില്‍ സുല്‍ത്താന്‍ ബത്തേരി സിഡിഎസ് ടീം ജേതാക്കളായി. അറുപതിലധികം മത്സരങ്ങളില്‍ നിന്നായി 327 പോയന്റ് നേടിയാണ് ബത്തേരി ഒന്നാം സ്ഥാനം കരസ്ഥമാക്കിയത്. 84 പോയന്റ് നേടി അമ്പലവയല്‍ സിഡിഎസ് രണ്ടാം സ്ഥാനം നേടി. 55 പോയന്റ് നേടി നെന്മേനി സിഡിഎസ് മൂന്നാം സ്ഥാനം നേടി. സുല്‍ത്താന്‍ ബത്തേരി സെന്റ് മേരീസ് കോളേജില്‍ 2 ദിവസങ്ങളിലായായിരുന്നു കലോത്സവം.ഐ.സി ബാലകൃഷ്ണന്‍ എം.എല്‍.എ ഉള്‍പ്പടെയുള്ള ജനപ്രതിനിധികള്‍ പങ്കെടുത്തു.സമാപന സമ്മേളനത്തില്‍ നൂല്‍പ്പുഴ ഗ്രാമ പഞ്ചായത്ത് പ്രസിഡന്റ് ഷീജ സതീഷ് പുരസ്‌കാര വിതരണം നടത്തി. ജില്ലയിലെ മൂന്ന് താലൂക്കുകളില്‍ നിന്നും വിജയിച്ചവരുടെ ജില്ലാതല മത്സരം മേയ് അവസാന വാരത്തില്‍ നടക്കും.
