കേണിച്ചിറ നെല്ലിക്കരയില്‍ കുടിവെള്ള പദ്ധതിയുടെ കിണറില്‍ മാലിന്യം നിക്ഷേപിച്ചതായി പരാതി. 2004 ല്‍ നിര്‍മ്മിച്ച കുടിവെള്ള പദ്ധതി കിണറിലാണ് സാമൂഹിക വിരുദ്ധര്‍ മാലിന്യങ്ങള്‍ നിക്ഷേപിച്ചത്. 107 കുടുംബങ്ങള്‍ കുടിവെള്ളത്തിനായി ഉപയോഗിക്കുന്ന കിണറ്റിലെ ജലം മലിനമായതിനെ തുടര്‍ന്ന് രണ്ട് ദിവസം കുടിവെള്ള വിതരണം മുടങ്ങി.വെള്ളിയാഴ്ച്ച രാത്രിയാണ് മാലിന്യങ്ങള്‍ കിണറില്‍ തള്ളിയതെന്ന് ഗുണഭോക്താക്കള്‍ പറഞ്ഞു. ശനിയാഴ്ച രാവിലെ കിണറ്റില്‍ നിന്നും വെള്ളം പമ്പ് ചെയ്യാന്‍ എത്തിയവരാണ് നെറ്റ് മുറിച്ചു കളഞ്ഞ നിലയില്‍ കണ്ടെത്തിയത്. ഇത് സംബന്ധിച്ച് കേണിച്ചിറ പോലീസില്‍ നാട്ടുകാര്‍ പരാതി നല്‍കി.കിണറിന് അടച്ചുറപ്പുളള മേല്‍ മൂടി സ്ഥാപിക്കാന്‍ ഉള്ള നടപടികള്‍ ബന്ധപെട്ട അധികൃതര്‍ സ്വികരിക്കണമെന്നാണ് നാട്ടുകാരുടെ ആവശ്യം .
