ലഹരിക്കെതിരെ കൈകോര്‍ത്ത് കേണിച്ചിറ പോലീസും, വിദ്യാര്‍ത്ഥികളും, കേണിച്ചിറ ടൗണില്‍ ലഹരി വിരുദ്ധ റാലിയും, മെഴുകുതിരി കത്തിച്ച് ലഹരി വിരുദ്ധ പ്രതിജ്ഞയും നടത്തി. കേണിച്ചിറ പോലീസ്, നടവയല്‍, കോളേരി പൂതാടി ഹയര്‍ സെക്കണ്ടറി സ്‌കൂള്‍ എന്‍ എസ് എസ് വളണ്ടിയര്‍മാര്‍ , അദ്ധ്യാപകര്‍, പിടിഎ കമ്മിറ്റി ഭാരവാഹികള്‍ തുടങ്ങിയവര്‍ ലഹരി വിരുദ്ധ റാലിക്ക് നേതൃത്വം വഹിച്ചു.തുടര്‍ന്ന് ടൗണില്‍ വിദ്യാര്‍ത്ഥികള്‍ അണിനിരന്ന് മെഴുകുതിരി കത്തിച്ച് ലഹരി വിരുദ്ധ പ്രതിജ്ഞയും എടുത്തു. കേണിച്ചിറ എസ് ഐ .ടി കെ ഉമ്മര്‍ ,ബിജു, രാജു വാഴയില്‍, സുബ്രഹ്‌മണ്യദാസ്, രജനി തുടങ്ങിയവര്‍ സംസാരിച്ചു.
