ഇന്ന് ലോക റാബിസ് ദിനം: ‘വണ് ഹെല്ത്ത് സീറോ ഡെത്ത്’ ഈ വര്ഷത്തെ ലോക റാബിസ് ദിനത്തിന്റെ പ്രമേയം
ഇന്ന് സെപ്റ്റംബര് 28. ലോക റാബിസ് ദിനം. മൃഗങ്ങളുടെ ഉമിനീരില് നിന്ന് ആളുകളിലേക്ക് പടരുന്ന, മാരകമായതും എന്നാല് തടയാവുന്നതുമായ ഒരു വൈറല് രോഗമാണ് പേവിഷബാധ. സാധാരണയായി തെരുവ് നായ്ക്കളില് നിന്നോ വാക്സിനേഷന് എടുക്കാത്ത നായ്ക്കളില് നിന്നോ മൃഗങ്ങളുടെ കടിയിലൂടെയാണ് ഇത് പകരുന്നത്.തലവേദന, അതിശക്തമായ പനി, അമിതമായ ഉമിനീര് പക്ഷാഘാതം, മാനസിക വിഭ്രാന്തി എന്നിവ രോഗത്തിന്റെ ലക്ഷണങ്ങളില് ഉള്പ്പെടുന്നു. ഒടുവില് ചില കേസുകളില് മരണത്തിലേക്ക് നയിക്കുന്നു. പേവിഷബാധയുടെ തീവ്രതയെക്കുറിച്ച് ജനങ്ങളെ ബോധവല്ക്കരിക്കാന് എല്ലാ വര്ഷവും സെപ്റ്റംബര് 28 ലോക റാബിസ് ദിനമായി ആചരിക്കുന്നു.
പേവിഷബാധയെക്കുറിച്ചും അതിന്റെ പ്രതിരോധത്തെക്കുറിച്ചും അവബോധം വളര്ത്തുന്നതിനായി വര്ഷം തോറും ലോക റാബിസ് ദിനം ആചരിക്കുന്നു. ഇതുകൂടാതെ, ഈ മാരകമായ രോഗത്തെ പൂര്ണമായി ഉന്മൂലനം ചെയ്യുന്നതിനായി അതിനെ പരാജയപ്പെടുത്തുന്ന പ്രക്രിയയും ദിനം ഉയര്ത്തിക്കാട്ടുന്നു.ഫ്രഞ്ച് രസതന്ത്രജ്ഞനും മൈക്രോബയോളജിസ്റ്റുമായ ലൂയി പാസ്ചറാണ് റാബിസ് ചികിത്സിക്കുന്നതിനായി ആദ്യമായി വാക്സിനേഷന് വികസിപ്പിച്ചെടുത്തത്. സെപ്തംബര് 28-ന് അദ്ദേഹം അന്തരിച്ചു. അതിനാല്, അദ്ദേഹത്തിന്റെ മഹത്തായ സംഭാവനകളെ ആദരിക്കാനും സ്മരിക്കാനും അദ്ദേഹത്തിന്റെ ചരമവാര്ഷികം ലോക റാബിസ് ദിനമായി ആഘോഷിക്കാന് തിരഞ്ഞെടുത്തു. ‘റാബിസ്: വണ് ഹെല്ത്ത്, സീറോ ഡെത്ത്’ എന്നതാണെന്ന് ഈ വര്ഷത്തെ ലോക റാബിസ് ദിനത്തിന്റെ പ്രമേയം. ഈ ദിനം അന്താരാഷ്ട്ര സര്ക്കാര് ഏജന്സികള്, എന്ജിഒകള്, വാക്സിന് നിര്മ്മാതാക്കള് എന്നിവയുടെ ഒരു ശൃംഖല ലോക റാബിസ് ദിനം രോഗ നിര്മാര്ജനത്തില് സഹായിക്കുന്നതിന് വിദഗ്ധരുടെ നേതൃത്വത്തില് പരിപാടികളും കോണ്ഫറന്സുകളും ക്യാമ്പെയ്നുകളും സംഘടിപ്പിക്കുന്നു.
2007-ലാണ് ആദ്യമായി വേള്ഡ് റാബിസ് ദിന ക്യാമ്പയിന് ആരംഭിച്ചത്. അലയന്സ് ഫോര് റാബിസ് കണ്ട്രോള്, അറ്റ്ലാന്റയിലെ സെന്റര്സ് ഫോര് ഡിസീസ് കണ്ട്രോള് ആന്ഡ് പ്രിവന്ഷന് എന്നിവയുള്പ്പെടെ നിരവധി സംഘടനകളുടെ പങ്കാളിത്തത്തോടെയാണ് ഈ ക്യാമ്പയിന് ആരംഭിച്ചത്. വേള്ഡ് ഹെല്ത്ത് ഓര്ഗനൈസേഷന്, വേള്ഡ് ഓര്ഗനൈസേഷന് ഫോര് അനിമല് ഹെല്ത്ത്, പാന് അമേരിക്കന് ഹെല്ത്ത് ഓര്ഗനൈസേഷന് എന്നിവയുടെ കോ-സ്പോണ്സര്ഷിപ്പാണ് ഇതിന് നേതൃത്വം നല്കിയത്. തുടര്ച്ചയായ മൂന്ന് വര്ഷം ലോക റാബിസ് ദിനം ആചരിച്ചതിന് ശേഷം, 100-ലധികം രാജ്യങ്ങളില് പ്രതിരോധവും ബോധവല്ക്കരണ പരിപാടികളും നടന്നതായും 100 ദശലക്ഷത്തിലധികം ആളുകള്ക്ക് പേവിഷബാധയുടെ അപകടങ്ങളെക്കുറിച്ച് ബോധവല്ക്കരിക്കപ്പെട്ടതായും കണക്കാക്കപ്പെട്ടു.