കല്‍പ്പറ്റ എക്‌സൈസ് സര്‍ക്കിള്‍ പാര്‍ട്ടി ഓണം സ്‌പെഷ്യല്‍ ഡ്രൈവിനോട് അനുബന്ധിച്ച് ലഹരിവസ്തുക്കളുടെ കടത്തലും വിപണനവും തടയുന്നതിന്റെ ഭാഗമായി വൈത്തിരി താലൂക്കില്‍ കണിയാമ്പറ്റ വില്ലേജില്‍ ചിറ്റൂര്‍ കുന്ന് ഭാഗത്ത് കക്കട്ടില്‍ വീട്ടില്‍ സുനു എന്ന് വിളിക്കുന്ന വര്‍ഗ്ഗീസ് കെ പി എന്നയാളുടെ വീട്ടില്‍ നിന്നും 50 ലിറ്റര്‍ വാഷും 2 ലിറ്റര്‍ ചാരായവും വാറ്റ് ഉപകരണങ്ങളും കണ്ടെടുത്തു.വീടിനു മുന്‍പിലെ തൊഴുത്തിലാണ് തൊണ്ടിവകകള്‍ ഒളിപ്പിച്ചരുന്നത്. വര്‍ഗ്ഗീസ് കെ പി യെ പ്രതിയാക്കി എക്‌സൈസ് അബ്കാരി കേസ്സെടുത്തു. എക്‌സൈസിനെ കണ്ട ഇയാള്‍ സ്ഥലത്തു നിന്നും ഓടി രക്ഷപ്പെട്ടു.എക്‌സൈസ് സര്‍ക്കിള്‍ ഇന്‍സ്‌പെക്ടര്‍ അനൂപ്.വി.പി,പ്രിവന്റീവ് ഓഫീസര്‍ രഘു എം.എ സിവില്‍ എക്‌സൈസ് ഓഫീസര്‍മാരായ വൈശാഖ് വി.കെ രഞ്ജിത്ത് സി.കെ, ഡ്രൈവര്‍ സജീവ് എന്നിവര്‍ പങ്കെടുത്തു.
