എക്‌സാത് ട്രെയിനിങ് ആന്‍ഡ് റിസര്‍ച്ച് ഇന്‍സ്റ്റിറ്റ്യൂട്ട് കോഴിക്കോടുമായി സംയോജിച്ച് കുടുംബശ്രീ മിഷന്‍ വയനാട് സംഘടിപ്പിച്ച മാനന്തവാടി ബ്ലോക്ക് തല ത്രിദിന ബൂട്ട് ക്യാംപ് മാനന്തവാടിയില്‍ തുടങ്ങി.മാര്‍ച്ച് 10,11,12 തീയതികളില്‍ മാനന്തവാടി ഹോട്ടല്‍ ഗ്രീന്‍സ് റെസിഡന്‍സിയിലാണ് ക്യാമ്പ് നടക്കുന്നത്.5 പഞ്ചായത്തുകളില്‍ നിന്നുമായി തിരഞ്ഞെടുക്കപ്പെട്ട 27 യുവസംരംഭകരെ ഉള്‍പ്പെടുത്തിയാണ് ക്യാമ്പ് സംഘടിപ്പിച്ചിട്ടുള്ളത്. ക്യാമ്പ് മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിന്‍ ബേബി ഉദ്ഘാടനം ചെയ്തുവൈസ് പ്രസിഡന്റ് എ.കെ.ജയഭാരതി അദ്ധ്യക്ഷത വഹിച്ചു. സ്റ്റാന്റിംഗ് കമ്മിറ്റി അദ്ധ്യക്ഷ മാരായ കെ.വി.വിജോള്‍, പി.കല്യാണി, ജോയ്‌സി ഷാജു, എക്‌സാത് പ്രതിനിധികളായ ജയന്‍ പൂക്കാട്, ലീന ജോണ്‍ തുടങ്ങിയവര്‍ സംസാരിച്ചു.
