ബീനാച്ചി ബി ആര്‍ സിയുടെ നേതൃത്വത്തില്‍ ബത്തേരി ഉപജില്ല അധ്യാപക ദിനാഘോഷം പഴുപ്പത്തൂര്‍ മണല്‍വയല്‍ കോളനിയിലെ പഠനകേന്ദ്രത്തില്‍ സംഘടിപ്പിച്ചു. ചടങ്ങില്‍ നഗരസഭ ക്ഷേമകാര്യ സ്റ്റാന്റിംഗ് കമ്മറ്റി ചെയര്‍പേഴ്‌സണ്‍ സി കെ സഹദേവന്‍ മുഖ്യപ്രഭാഷണം നടത്തി. കൗണ്‍സിലര്‍ ഷൗക്കത്ത് അധ്യക്ഷനായി. ബിപിസി റ്റി രാജന്‍, ട്രയിനര്‍ കെ ആര്‍ ഷാജന്‍, കൃഷ്ണകുമാര്‍, ജാനകി, സജിനി എന്നിവര്‍ സംസാരിച്ചു. ബീനാച്ചി സ്‌കൂളിലെ അധ്യാപകരായ കെ പി സാബു, അശോകന്‍, ഗീത, പ്രിയ, സിന്ധു എന്നിവരെ പഠന കേന്ദ്രത്തിലെ വിദ്യാര്‍ഥികള്‍ തയ്യാറാക്കിയ ആശംസകാര്‍ഡുകള്‍ നല്‍കി ആദരിച്ചു.
