കോവിഡ് രോഗികളുമായി സമ്പര്‍ക്കത്തില്‍ ഏര്‍പ്പെട്ട് ക്വാറന്റൈന്‍ നിര്‍ദേശിക്കപ്പെട്ടവര്‍ നിര്‍ബന്ധമായും കോവിഡ് പ്രോട്ടോകോള്‍ പാലിച്ച് വീടുകളില്‍ റൂം ക്വാറന്റൈനില്‍ കഴിയണമെന്ന് ജില്ലാ പോലീസ് മേധാവി ഡോ.അര്‍വിന്ദ് സുകുമാര്‍ ഐപിഎസ് അറിയിച്ചു. വീടുകളിലെ മറ്റുള്ളവരും മാസ്‌ക്ക് ധരിച്ച് സാമൂഹിക അകലം പാലിച്ച് വേണം നില്‍ക്കാന്‍. ക്വാറന്റൈന്‍ നിര്‍ദ്ദേശിക്കപ്പെട്ടവര്‍ ഒരു കാരണവശാലും വീട്ടില്‍ നിന്നും പുറത്തിറങ്ങരുത്. അവശ്യമായ കാര്യങ്ങള്‍ക്ക് വാര്‍ഡ് തല കമ്മിറ്റിയേ ബന്ധപ്പെടാം. ക്വാറന്റൈന്‍ ലംഘനം നടത്തുന്നവര്‍ക്കെതിരെ ശക്തമായ നിയമനടപടി സ്വീകരിക്കും. ഇന്നും ഇന്നലെയുമായി ജില്ലയില്‍ ക്വാറന്റൈന്‍ ലംഘനം നടത്തിയതിന് 11 കേസുകള്‍ രജിസ്റ്റര്‍ ചെയ്തുവെന്നും ജില്ലാ പോലീസ് മേധാവി അറിയിച്ചു.
