ജമ്മുകാശ്മീരിലെ കാര്‍ഗിലില്‍ മഞ്ഞിടിച്ചിലില്‍ അകപ്പെട്ട് മരണപ്പെട്ട സൈനികന്‍ നായിക്ക് സുബേദാര്‍ സി.പി.ഷിജിയുടെ മൃതദേഹം ജന്‍മനാടായ പൊഴുതന ടൗണ്‍ഹാളില്‍ പൊതുദര്‍ശനത്തിന് ശേഷം തറവാട്ട് വീടായ കുറിച്യാര്‍മല പണിക്കശേരി വീട്ടുവളപ്പില്‍ പൂര്‍ണ്ണ സൈനിക ബഹുമതികളോടെ സംസ്‌ക്കരിച്ചു. ധീര ജവാന്റെ ഭൗതിക ശരീരത്തില്‍ ജില്ലാ കളക്ട്ടര്‍ ഡോ. അദീല അബ്ദുള്ള റീത്ത് സമര്‍പ്പിച്ചതിനു ശേഷം പൊഴുതന കുറിച്യാര്‍ മലയിലെ തറവാട്ട് വീട്ടിലെത്തി കുടുംബാംഗങ്ങളെ ആശ്വസിപ്പിച്ചു.
മേയ് 4 നാണ് കാര്‍ഗിലില്‍ മഞ്ഞുമലയിടിച്ചിലില്‍ സി.പി.ഷിജി മരിച്ചത്.ഇന്നലെ രാത്രി 10.30 ന് നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ വൈത്തിരി തഹസില്‍ദാര്‍ എം.ഇ.എന്‍ നീലകണ്ഠന്‍ ജില്ലാ ഭരണകൂടത്തിനെ പ്രതിനിധീകരിച്ച് മൃതദേഹം ഏറ്റുവാങ്ങി. 28 മദ്രാസ് റജിമെന്റിലെ സൈനികനായ സി.പി ഷിജി പ്രമോഷനെ തുടര്‍ന്നാണ് പഞ്ചാബില്‍ നിന്നും കാശ്മീരില്‍ എത്തിയത്
