തൊഴിലാളി വര്‍ഗത്തിന്റെ അധ്വാനം ഓരോ സമൂഹത്തിന്റെയും സാമ്പത്തികവളര്‍ച്ചയുടെ അടിത്തറയാണെന്ന് ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ജുനൈദ് കൈപ്പാണി പറഞ്ഞു.എച്ച്.എം.എസ്(ഹിന്ദ് മസ്ദൂര്‍ സഭ) ജില്ലാ കണ്‍വെന്‍ഷന്‍ ബത്തേരിയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇന്നത്തെ യന്ത്രവല്‍കൃത യുഗത്തില്‍ പോലും തൊഴിലാളികളുടെ പ്രാധാന്യം കുറഞ്ഞിട്ടില്ല. വ്യവസായം,വ്യാപാരം,കൃഷി,കെട്ടിട നിര്‍മ്മാണം,പാലങ്ങളുടെയും റോഡുകളുടെയും നിര്‍മ്മാണം തുടങ്ങിയ മേഖലകളിലെല്ലാം തൊഴിലാളികളുടെ അധ്വാനം ശ്രദ്ധേയമാണെന്നും അദ്ദേഹം പറഞ്ഞു.ജില്ലാ പ്രസിഡന്റ് വി.ടി.തോമസ് അധ്യക്ഷത വഹിച്ചു.വി.പി.വര്‍ക്കി,എ.കെ.പ്രമോദ്,പുത്തൂര്‍ ഉമ്മര്‍, ഉനൈസ് കല്ലൂര്‍,മാടായി ലത്തീഫ്,എം.മണി,എം.വി.തോമസ് തുടങ്ങിയവര്‍ സംസാരിച്ചു
