‘തലയെടുപ്പോടെ കേരളം,തലയുയര്‍ത്തി കല്‍പ്പറ്റ’ എന്ന മുദ്രാവാക്യമുയര്‍ത്തി സിപിഐഎം കല്‍പ്പറ്റ മണ്ഡലം കമ്മിറ്റിയുടെ നേതൃത്വത്തില്‍ നടത്തിവരുന്ന വികസന വിളംബര ജാഥ കല്‍പ്പറ്റയില്‍ സമാപിച്ചു.സിപിഐഎം സംസ്ഥാന കമ്മിറ്റി അംഗം പി ജയരാജന്‍ സമാപന സമ്മേളനം ഉദ്ഘാടനം ചെയ്തു.വാഴവറ്റയില്‍ നിന്ന് തുടങ്ങി മുട്ടില്‍,കരണി,കമ്പളക്കാട്, വെങ്ങപ്പള്ളി എന്നിവിടങ്ങളില്‍ പര്യടനം നടത്തിയ ശേഷമാണ് ജാഥ കല്‍പ്പറ്റയില്‍ സമാപിച്ചത്.സി.കെ.ശശീന്ദ്രന്‍ എം.എല്‍.എ, സി.പി.ഐ.എം ജില്ലാ സെക്രട്ടേറിയേറ്റംഗം കെ.റഫീഖ്, സി.പി.ഐ.എം കല്‍പ്പറ്റ ഏരിയാ സെക്രട്ടറി എം.മധു,സി.പി.ഐ.എം ജില്ലാ സെക്രട്ടറി പി.ഗഗാറിന്‍ എന്നിവര്‍ സംസാരിച്ചു.
