ബത്തേരി കട്ടയാട് സ്വകാര്യവ്യക്തിയുടെ ഹോംസ്റ്റേയിലേക്ക് വന്യജീവിസങ്കേതത്തില്‍ നിന്നുള്ള മരം ഉപയോഗിച്ച് തോടിനുകുറുകെ പാലം നിര്‍മ്മിച്ച സംഭവം വിവാദമായതോടെ വനം വകുപ്പ് നടപടികള്‍ ആരംഭിച്ചു. മരം മുറിച്ചതിന് കേസെടുക്കാനാണ് പ്രാഥമിക അന്വേഷണത്തില്‍ വനം വകുപ്പിന്റെ തീരുമാനം. ഇതിനു പുറമെ മരപ്പാലം കഴിഞ്ഞ ദിവസം വനംവകുപ്പ് പൊളിച്ചു നീക്കുകയും ചെയ്തു. മരപ്പാലം നിര്‍മ്മിച്ചത് വഴിതോടില്‍ നിന്നുള്ള വെള്ളം മഴ പെയ്താല്‍ കര്‍ഷകരുടെ കൃഷിയിടത്തിലേക്ക് മറിയുമെന്ന് പ്രദേശത്തെ കര്‍ഷകര്‍ ആരോപിച്ചിരുന്നു. ഈ വാര്‍ത്ത കഴിഞ്ഞ ദിവസം വയനാട് വിഷന്‍ പുറത്തുവിട്ടിരുന്നു.ഇതിനെ തുടര്‍ന്നാണ് വനംവകുപ്പ് ഇടപെട്ട് അന്വേഷണം നടത്തുകയും പാലം എടുത്തു മാറ്റുകയും ചെയ്തത്. വന്യജീവിസങ്കേതത്തിലെ ഒരിലപോലും എടുക്കരുതെന്ന നിയമം നിലനില്‍ക്കെയാണ് തോടിന്റെ ഗതി തന്നെ മാറ്റുന്നതരത്തില്‍ സങ്കേതത്തില്‍ നിന്നും കടപുഴകി വീണ് മരം മുറിച്ച് തോടിനുകുറുകെ പാലം നിര്‍മ്മിച്ചത്.
