കഴിഞ്ഞ അഞ്ച് വര്‍ഷത്തിനിടെ വയനാട് ജില്ലയില്‍ നടപ്പാക്കിയ വികസന പ്രവര്‍ത്തനങ്ങളുടെ നേര്‍ക്കാഴ്ചയുമായി ‘വയനാട് വികസന സാക്ഷ്യം’ഫോട്ടോപ്രദര്‍ശനം കല്‍പ്പറ്റയില്‍ സി.കെ ശശീന്ദ്രന്‍ എംഎല്‍എ ഉദ്ഘാടനം ചെയ്തു.ഇന്നും നാളെയുമായികല്‍പ്പറ്റ പുതിയ ബസ്റ്റാന്റ് പരിസരത്താണ് പ്രദര്‍ശനം.
പ്രളയ പുനരധിവാസ പ്രവര്‍ത്തനങ്ങള്‍, ലൈഫ് ഭവനപദ്ധതി, ആരോഗ്യമേഖലയില്‍ നടപ്പാക്കിയ വിവിധ പ്രവര്‍ത്തനങ്ങള്‍, പൊതുവിദ്യാലയങ്ങളുടെ മികവ്, തുടങ്ങിയ പ്രവര്‍ത്തനങ്ങളുടെ ഫോട്ടോപ്രദര്‍ശനമാണ് നടത്തുന്നത് .ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തിലാണ് പ്രദര്‍ശനം സംഘടിപ്പിക്കുന്നത്. ജില്ലാ കളക്ടര്‍ അദീല അബ്ദുള്ള മുഖ്യാതിഥിയായിരുന്നു.പരിപാടിയുടെ ഭാഗമായി ഒരുക്കിയ നാടന്‍ കലാവിരുന്ന് കാണികള്‍ക്ക് വ്യത്യസ്ഥ അനുഭവമായിരുന്നു.
