മാനന്തവാടി നഗരത്തില്‍ ഗതാഗത കുരുക്കിന് പരിഹാരമായി മൈസൂര്‍ റോഡ് നവീകരണ പ്രവര്‍ത്തി തുടങ്ങി.ഇന്ന് മുതല്‍ 19 വരെ നഗരത്തില്‍ ട്രാഫിക്ക് പരിഷ്‌ക്കരണം.എം.എല്‍.എ ഫണ്ടില്‍ നിന്നും അനുവദിച്ച 2 കോടി രൂപയില്‍ നിന്നുള്ള തുക ചിലവഴിച്ചാണ് റോഡ് നവീകരണ പ്രവര്‍ത്തി നടക്കുന്നത്.
മാനന്തവാടി നഗരത്തിലെ ഗതാഗത കുരുക്ക് നിത്യസംഭവമായ മൈസൂര്‍ റോഡിലെ കുരുക്ക് ഒഴിവാക്കാനുള്ള പ്രവര്‍ത്തികള്‍ക്കാണ് ഇന്ന് തുടക്കം കുറിച്ചത്.മൈസൂര്‍ റോഡ് ജംഗ്ഷനില്‍ നിന്നും വള്ളിയൂര്‍ക്കാവ് റോഡിലേക്കുള്ള ഇറക്കം ഉയര്‍ത്തുകയും നിലവിലെ റോഡ് വീതി കൂട്ടിയുമാണ് നവീകരണ പ്രവര്‍ത്തികള്‍ നടക്കുന്നത്.ഈ മാസം 19 ന് പ്രവര്‍ത്തി പൂര്‍ത്തികരിക്കാനാണ് പൊതുമരാമത് വകുപ്പ് ഉദ്ദേശിക്കുന്നത.നവീകരണ പ്രവര്‍ത്തി മാനന്തവാടിയിലെ വ്യാപാരികള്‍ സ്വാഗതം ചെയ്യുന്നതായി മര്‍ച്ചന്റ് അസോസിയേഷന്‍ പ്രസിഡന്റ് കെ.ഉസ്മാന്‍ പറഞ്ഞു.ഒ.ആര്‍.കേളു എം.എല്‍.എയും നഗരസഭ അധികൃതരും പ്രവര്‍ത്തി നടക്കുന്ന സ്ഥലത്തെത്തി സ്ഥിതിഗതികള്‍ വിലയിരുത്തി.
