ജില്ലാ പഞ്ചായത്തിന്റെ ആഭിമുഖ്യത്തിലുള്ള അക്ഷരപുര പദ്ധതിയുടെ പുസ്തക വിതരണം ജില്ലാ കളക്ടര്‍ ഡോ. അദീല അബ്ദുള്ള നിര്‍വഹിച്ചു.ജില്ലയില്‍ തിരഞ്ഞെടുത്ത 30 വായനശാലകള്‍ക്കാണ് പുസ്തകം വിതരണം ചെയ്യുന്നത്. ജില്ലാ പഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി 16 ലക്ഷം രൂപ ചെലവിലാണ് പദ്ധതി നടപ്പാക്കുന്നത്. ചടങ്ങില്‍ ജില്ലാ പഞ്ചായത്ത് പ്രസിഡന്റ് കെ.ബി നസീമ ചടങ്ങില്‍ അധ്യക്ഷത വഹിച്ചു. ജില്ലാ പഞ്ചായത്ത് മെമ്പര്‍ പി ഇസ്മയില്‍ അക്ഷരപുര പദ്ധതി വിശദീകരിച്ചു. ജില്ലാ പഞ്ചായത്ത് വൈസ് പ്രസിഡന്റ് എ.പ്രഭാകരന്‍ മാസ്റ്റര്‍, ആരോഗ്യ സ്റ്റാന്‍ഡിംഗ് കമ്മിറ്റി എ ദേവകി, വികസനകാര്യസ്റ്റാന്‍ഡിംഗ് കമ്മിറ്റി കെ. മിനി തുടങ്ങിയവര്‍ പങ്കെടുത്തു
