ഉത്തര്‍പ്രദേശില്‍ സെന്‍ട്രല്‍ ഇന്‍ടസ്ട്രിയല്‍ സെക്യൂരിറ്റി ഫോഴ്‌സിന് (സിഐഎസ്എഫ്) സമാനമായ പ്രത്യേക സുരക്ഷാസേനയ്ക്ക് രൂപംനല്‍കി യോഗി ആദിത്യനാഥ് സര്‍ക്കാര്‍. വാറണ്ടില്ലാതെ തെരച്ചില്‍ നടത്താനും അറസ്റ്റ് ചെയ്യാനും റെയ്ഡ് നടത്താനും അധികാരം നല്‍കിക്കൊണ്ടാണ് സംസ്ഥാന സര്‍ക്കാര്‍ പ്രത്യേക സുരക്ഷാസേനയ്ക്ക് രൂപം നല്‍കിയത്. കോടതികള്‍, വിമാനത്താവളങ്ങള്‍, ഭരണസിരാകേന്ദ്രങ്ങള്‍, മെട്രോകള്‍, ബാങ്കുകള്‍, സര്‍ക്കാര്‍ സ്ഥാപനങ്ങള്‍ എന്നിവയ്ക്ക് പരമാവധി സുരക്ഷ ഉറപ്പാക്കാനാണ് പുത്തന്‍ സേന രൂപീകരിക്കുന്നതെന്ന് സര്‍ക്കാര്‍ വ്യക്തമാക്കി. ഉത്തര്‍പ്രദേശ് സ്‌പെഷ്യല്‍ സെക്യൂരിറ്റ് ഫോഴ്‌സ് (യുപിഎസ്എസ്എഫ്) എന്ന് പേരിട്ട സൈന്യത്തെക്കുറിച്ച് സര്‍ക്കാര്‍ ഔദ്യോഗിക ട്വിറ്റര്‍ ഹാന്‍ഡിലിലൂടെയാണ് സ്ഥിരീകരണം നല്‍കിയത്.
