കോവിഡ് പശ്ചാത്തലത്തില്‍ സാമൂഹിക അകലം പാലിച്ച് നാഷണല്‍ സര്‍വീസ് സ്‌കീം പ്രവേശന നടപടികള്‍ ആരംഭിച്ചു.ഓണ്‍ലൈനായാണ് ഈ വര്‍ഷം പ്രവേശന നടപടികള്‍. 50 വിദ്യാര്‍ത്ഥികള്‍ക്കാണ് ഒരു യൂണിറ്റില്‍ പ്രവേശനം. വയനാട് ജില്ലയിലെ 53 യൂണിറ്റുകളില്‍ പ്രവര്‍ത്തിക്കുന്ന എന്‍എസ്എസ് ഹെല്‍പ്പ് ഡെസ്‌ക്കുകളില്‍ പ്രോഗ്രാം ഓഫീസര്‍മാരുടെ നേതൃത്വത്തില്‍ വിദ്യാര്‍ഥികള്‍ ക്യു ആര്‍ കോഡ് സ്‌കാന്‍ ചെയ്തു കൊണ്ട് അപേക്ഷ സമര്‍പ്പിക്കാവുന്നതാണ് .
50 വിദ്യാര്‍ഥികള്‍ക്കാണ് ഒരു യൂണിറ്റില്‍ പ്രവേശനം നല്‍കുക .പഠനത്തോടൊപ്പം വിദ്യാര്‍ത്ഥികളില്‍ സാമൂഹ്യ സേവന മനോഭാവം വളര്‍ത്തിയെടുക്കുക എന്ന ലക്ഷ്യത്തോടെയാണ് വിദ്യാലയങ്ങളില്‍ നാഷണല്‍ സര്‍വീസ് സ്‌കീം പ്രവര്‍ത്തിക്കുന്നത് .പരിപാടിയുടെ ജില്ലാതല ഉദ്ഘാടനം എന്‍എസ്എസ് ജില്ലാ കണ്‍വീനര്‍ കെ എസ് ശ്യാല്‍ നിര്‍വഹിച്ചു. എസ് കെ എം ജെ സ്‌കൂള്‍ പ്രിന്‍സിപ്പല്‍ സുധാ റാണി എ,എന്‍എസ്എസ് പ്രോഗ്രാം ഓഫീസര്‍ വിശ്വോഷ് , സ്മിത എന്നിവര്‍ പങ്കെടുത്തു
