മാനന്തവാടി മൈസൂര്‍ റോഡില്‍ ഒണ്ടയങ്ങാടി പരിസരത്ത് വാഹനാപകടത്തില്‍ യുവാവ് മരിച്ചു.ഒണ്ടയങ്ങാടി മുദ്രമൂല കോളനിയിലെ ജോഗിയുടെ മകന്‍ രമേശന്‍(25) ആണ് മരിച്ചത്.റോഡരികില്‍ മറിഞ്ഞു കിടന്ന സ്‌കൂട്ടറിനരികില്‍ കിടന്നിരുന്ന രമേശനെ നാട്ടുകാര്‍ ജില്ലാശുപത്രി അത്യാഹിത വിഭാഗം പ്രവര്‍ത്തിക്കുന്ന വിന്‍സെന്റ് ഗിരി ആശുപത്രിയിലെത്തിച്ചൂവെങ്കിലും മരിക്കുകയായിരുന്നു.രമേശന്റെ സുഹൃത്ത് സജി പരിക്കുകളോടെ ചികിത്സ തേടിയിട്ടുണ്ട്.അപകട കാരണവും മറ്റ് വിശദാംശങ്ങളും ഇതുവരെ ലഭ്യമായിട്ടില്ല.
