വയനാട് ജില്ലാ ഡ്രൈവേഴ്‌സ് കോ-ഓപ്പറേറ്റീവ് സൊസൈറ്റി ഏര്‍പ്പെടുത്തിയ ബാബു സ്മാരക എന്‍ഡോവ്‌മെന്റിന് മൈലാടി സ്വദേശിനി അഭിന അര്‍ഹയായി. ബാണാസുര ഡാമില്‍ രക്ഷാ പ്രവര്‍ത്തനത്തിനിടയില്‍ മരണപ്പെട്ട പടിഞ്ഞാറത്തറ സ്വദേശി ബാബുവിന്റെ സ്മരണാര്‍ത്ഥമാണ് എന്‍ഡോവ്‌മെന്റ് എര്‍പ്പെടുത്തിയത്.എസ്എസ്എല്‍സി പരീക്ഷയില്‍ പട്ടിക വര്‍ഗ്ഗ വിഭാഗത്തില്‍ നിന്നും ഉന്നത വിജയം നേടിയ ഒരു വിദ്യാര്‍ത്ഥിയെ കണ്ടെത്തിയാണ് എല്ലാ വര്‍ഷവും ക്യാഷ് അവാര്‍ഡ് നല്‍കുന്നത്.അഭിനയ്ക്ക് ഉപഹാരവും ക്യാഷ് ആവാര്‍ഡും സൊസൈറ്റി പ്രസിഡന്റ് കെ.റഫീഖ് കൈമാറി. ഇതോടൊപ്പം എസ്എസ്എല്‍സി,പ്ലസ് ടു പരീക്ഷകളില്‍ ഉന്നത വിജയം കൈവരിച്ച സംഘത്തിലെ അംഗങ്ങളുടെ മക്കള്‍ക്കുള്ള മൊമന്റോയും,ക്യാഷ് അവാര്‍ഡും വിതരണം ചെയ്തു.
