കൽപ്പറ്റ: വയനാട് ബൈക്കേഴ്‌സ് ക്ലബ്ബ് ഔദ്യോഗിക ഉദ്‌ഘാടനവും ലോഗോ പ്രകാശനവും വയനാട് പോലീസ് ചീഫ് ശ്രീ ആർ .ഇളങ്കോ ഐ.പി.എസ് നിർവഹിച്ചു . ദേശീയ തലത്തിൽ മൗണ്ടൈൻ ബൈക്കിങ്ങിൽ സിൽവർ മെഡൽ നേടിയ അപർണ സുരേഷിനുള്ള ഉപഹാരം ശ്രീ ആർ ‘ ഇളങ്കോ ഐ.പി.എസ്., ക്യാഷ് അവാർഡ് ടി.പി.പോൾ എന്നിവർ വിതരണം ചെയ്തു .വയനാട് പോലീസ് ചീഫിനുള്ള ഹോണററി മെമ്പർഷിപ് ക്ലബ്ബ് സെക്രട്ടറി ശ്രീ . സുധീഷ് സി.പി. കൈമാറി ഉദ്‌ഘാടന റൈഡിന്റെ ഫ്ലാഗ് ഓഫ് സിനിമാ താരം ശ്രീ അബു സലിം നിർവഹിച്ചു . .കൽപ്പറ്റ മുതൽ കാരാപ്പുഴ വരെയുള്ള ഉദ്‌ഘാടന സവാരിയിൽ വയനാട് പോലീസ് ചീഫിനോടൊപ്പം ക്ലബ്ബിലെ മറ്റു റൈഡർമാരും പങ്കെടുത്തു . വിദ്യാർത്ഥികളിലും യുവതീ യുവാക്കളിലും സൈക്കിളിന്റെ പ്രാധാന്യം എത്തിക്കുക , ചെറു യാത്രകൾക്ക് സൈക്കിൾ ഉപയോഗിക്കുന്നതിലൂടെ ഗണ്യമായ യാത്ര ചിലവു കുറക്കുക , സൈക്കിൾ ഉപയോഗിക്കുന്നതിലൂടെ വായു ശബ്ദ മലിനീകരണം കുറക്കുക , മാനസിക ശാരീരിക ഉല്ലാസത്തിനും ജീവിത ശൈലീ രോഗ പ്രതിരോധത്തിനുമായി സൈക്കിൾ സവാരി ശീലമാക്കുക തുടങ്ങിയ വലിയ ലക്ഷ്യങ്ങളോടെ രൂപീകരിച്ച ക്ലബ്ബിന്റെ പ്രവർത്തനങ്ങൾ വയനാടിന് മുതൽക്കൂട്ടാകട്ടെയെന്ന് ഉദ്‌ഘാടന റൈഡിനു ശേഷം വയനാട് പോലീസ് ചീഫ് ആശംസിച്ചു .
ക്ലബ്ബ് പ്രസിഡന്റ് ഡോ .മുഹമ്മദ് സാജിദ് , സെക്രട്ടറി ശ്രീ സുധീഷ് സി. പി , ട്രഷറർ ശ്രീ അബ്ദുൾ ഹാരിഫ് , സ്പോർട്സ് കൗൺസിൽ വൈസ് പ്രസിഡന്റ് ശ്രീ സലിം കടവൻ . സൈക്ലിംഗ് അസോസിയേഷൻ സെക്രട്ടറി ശ്രീ സുബൈർ ഇളംകുളം , എസ്.സി.പി.സി സെക്രട്ടറി ശ്രീ കബീർ മാസ്റ്റർ എന്നിവർ പങ്കെടുത്തു
