മാനന്തവാടി: കര്‍ഷകരുടെ അകൗണ്ടില്‍ നേരിട്ട് ധനസഹായം നല്‍കുക, സ്വകാര്യ കോര്‍പ്പറേറ്റുകള്‍ക്കായി പൊതുമേഖലാ സ്ഥാപനങ്ങളെ വില്‍ക്കുന്നത് നിര്‍ത്തിവെക്കുക. കര്‍ഷകരുടെ കടങ്ങള്‍ എഴുതി തള്ളുക. പലിശരഹിത ഈടില്ലാത്ത വായ്പകള്‍ അനുവദിക്കുക തുടങ്ങിയ ആവശ്യങ്ങള്‍ ഉന്നയിച്ച് അഖിലേന്ത്യാ കിസാന്‍ സഭയുടെ നേതൃത്യത്തില്‍ തലപ്പുഴ പോസ്റ്റ് ഓഫിസിന് മുമ്പില്‍ ധര്‍ണ്ണ നടത്തി. അഖിലേന്ത്യ കിസാന്‍ സഭ ജില്ലാ സെക്രട്ടറി ജോണി മറ്റത്തിലാനി ഉദ്ഘാടനം ചെയ്തു.സതീഷ്‌കുമാര്‍ പയ്യാനിക്കല്‍,ബ്ലോക്ക് പഞ്ചായത്ത് മെമ്പര്‍ ദിനേശ്ബാബു, അബ്ബാസ് പൊറ്റമ്മല്‍, ബാബു കുളത്താട, ജോണി നെല്ലിവേലി തുടങ്ങിയവര്‍ സംസാരിച്ചു.
