കോവിസ് 19 പ്രതിരോധ പ്രവര്‍ത്തനങ്ങളുടെ ഭാഗമായി ബത്തേരി നഗരസഭ കുപ്പാടി ഗവണ്‍മെന്റ് സ്‌കൂളില്‍ ഒരുക്കിയ അഗതി കേന്ദ്രത്തില്‍ തുടര്‍ച്ചയായി 50 ദിവസം രാപകല്‍ വ്യത്യാസമില്ലാതെ സേവനമനുഷ്ഠിച്ച പോലീസുകാരെ ആദരിച്ചു. കണ്ണൂര്‍ കെ.എ.പി ബറ്റാലിയനിലെ രാഗിന്‍,നവിഷ് എന്നിവരെയാണ് നഗരസഭാ ചെയര്‍മാന്‍ റ്റി.എല്‍ സാബു ആദരിച്ചത്. ചടങ്ങില്‍ വൈസ് ചെയര്‍പേഴ്‌സണ്‍ ജിഷാ ഷാജി ,വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ സി.കെ സഹദേവന്‍, തുടങ്ങിയവര്‍ പങ്കെടുത്തു.
