രോഗാവസ്ഥ രോഗിയുടെ കുറ്റമല്ല, രോഗീ പരിചരണം സമൂഹത്തിന്റെ ബാധ്യതയാണ് എന്ന സന്ദേശവുമായി തരിയോട് സാമൂഹികാരോഗ്യ കേന്ദ്രത്തില്‍ ആരോഗ്യ കേരളം പദ്ധതിയുടെ ഭാഗമായി തരിയോട് സെക്കണ്ടറി പെയിന്‍ & പാലിയേറ്റീവ് വളണ്ടിയര്‍ സപ്പോര്‍ട്ടിങ് ഗ്രൂപ്പിന്റെ ആഭിമുഖ്യത്തില്‍ കാവുംമന്ദത്ത് പാലിയേറ്റീവ് കെയര്‍ പരിശീലനവും വയോജന സംഗമവും സംഘടിപ്പിച്ചു. കല്‍പ്പറ്റ ബ്ലോക്ക് പഞ്ചായത്ത് സ്ഥിരം സമിതി അദ്ധ്യക്ഷ ജിന്‍സി സണ്ണി ഉദ്ഘാടനം ചെയ്തു. പ്രസിഡന്റ് ഷമീം പാറക്കണ്ടി അദ്ധ്യക്ഷത വഹിച്ചു. ഡോ. ജാവേദ് റിസ്വാന്‍, വേലായുധന്‍ ചുണ്ടേല്‍ എന്നിവര്‍ ക്ലാസെടുത്തു.ഹെല്‍ത്ത് ഇന്‍സ്‌പെക്ടര്‍ തോമസ്, ഷാബി, ലിനു, എല്‍സമ്മ, ജൂലി മാത്യു, ബീന അജു, വി മുസ്തഫ, സലിം വാക്കട, വാസന്തി, ഗ്രീഷ്മ, സണ്ണി, റെജി പടിഞ്ഞാറത്തറ, വിജി, സരിത തുടങ്ങിയവര്‍ സംസാരിച്ചു. സെക്രട്ടറി എം ശിവാനന്ദന്‍ സ്വാഗതവും ഫിസിയോതെറാപ്പിസ്റ്റ് സനല്‍രാജ് നന്ദിയും പറഞ്ഞു…
