മീനങ്ങാടി ഗവ.ഹയര്‍ സെക്കണ്ടറി സ്‌കൂളില്‍ നിര്‍മിച്ച അക്കാദമിക്ക് ബ്ലോക്കിന്റെ ഉദ്ഘാടനത്തോടനുബന്ധിച്ച് ജില്ലയിലെ ഹൈസ്‌കൂള്‍ – ഹയര്‍ സെക്കണ്ടറി വിദ്യാര്‍ഥികള്‍ക്കായി ഇന്റര്‍ സ്‌കൂള്‍ മെഗാ ക്വിസ് മത്സരം സംഘടിപ്പിച്ചു. സുല്‍ത്താന്‍ ബത്തേരി സെന്റ് മേരീസ് ഹയര്‍ സെക്കണ്ടറി സ്‌കൂളിലെ കെ.സി ശ്രീരാജ്, അലന്‍ റിജോ എന്നിവര്‍ ഒന്നാം സ്ഥാനവുംകല്‍പ്പറ്റ എസ്.കെ.എം.ജെ ഹയര്‍ സെക്കണ്ടറി സ്‌കൂളിലെ ആദിനാഥ് സരിന്‍, ഹൃത്വിക് എസ് ബിജു എന്നിവര്‍ രണ്ടാം സ്ഥാനവും, മാനന്തവാടി ജി.വി.എച്ച്.എസ്.എസ്സിലെ ഹിത റോസ് ,ഹൃദ്യ എലിസബത്ത് എന്നിവര്‍ മൂന്നാം സ്ഥാനവും നേടി. തഹസില്‍ദാര്‍ ഇ. സുരേഷ് ബാബു മത്സരത്തിന് നേതൃത്വം നല്‍കി. ഡോ. ബാവ കെ. പാലുകുന്ന്, കെ.എസ്. മനോജ് കുമാര്‍, കെ.പി പ്രദീശന്‍ എന്നിവര്‍ പ്രസംഗിച്ചു.
