മുത്തങ്ങ എക്സൈസ് ചെക്‌പോസ്റ്റില്‍ രണ്ട് ലക്ഷം രൂപയോളം വിലവരുന്ന നിരോധിത പാന്‍ മസാലയുമായി ആസാംസ്വദേശികള്‍ പിടിയില്‍.ആസാം സ്വദേശികളായ ഇനാമുള്‍ഹുസൈന്‍ (28) അബുബക്കര്‍ സിദ്ധീഖ് (44), എന്നിവരാണ് പിടിയിലായത്. ഇവരില്‍ നിന്ന് 2 ലക്ഷം രൂപയോളം വിലവരുന്ന 4600 പാക്കറ്റ് നിരോധിത പുകയില ഉത്പന്നങ്ങള്‍ പിടികൂടി. വ്യാഴാഴ്ച്ച രാത്രി എട്ടുമണിയോടെ നടന്ന വാഹന പരിശോധനയില്‍ ബാംഗ്ലൂരുവില്‍ നിന്ന് തിരുവനന്തപുരത്തേക്ക് വന്ന കെ.എസ് ആര്‍.ടി .സി സ്‌കാനിയ ബസ്സില്‍ നിന്നാണ് ഇരുവരെയും പിടി കുടിയത്.വിപണിയില്‍
പുകയില ഉത്പന്നങ്ങള്‍ പെരുമ്പാവൂരില്‍ ചില്ലറ വില്പനക്ക് കൊണ്ടുപോകുന്നതാണെന്ന് പിടിയിലായവര്‍ ചോദ്യം ചെയ്യലില്‍ പറഞ്ഞു. പരിശോധനയില്‍ മുത്തങ്ങ എക്സൈസ് ചെക്ക്പോസ്റ്റ് സര്‍ക്കിള്‍ ഇന്‍സ്‌പെക്ടര്‍ മജു റ്റി.എം, എക്സൈസ് ഇന്‍സ്‌പെക്ടര്‍ എസ്. ബൈജു , പ്രിവന്റീവ് ഓഫീസര്‍മാരായ എം.കെ.ഗോപി, കെ. വി. ഷാജി, സിവില്‍ എക്സൈസ് ഓഫീസര്‍മാരായ പി. വി. രജിത്ത്, ജോഷി തുംബാനം എന്നിവര്‍ പങ്കെടുത്തു
