അധ്യാപിക കെ.ജി സരോജിനിയമ്മ രചിച്ച നിലാപ്പക്ഷി കവിതാസമാഹാരം നാളെ ഉച്ച തിരിഞ്ഞ് മൂന്നുമണിക്ക് കൂടോത്തുമ്മല്‍ മില്‍ക്ക് സൊസൈറ്റി ഹാളില്‍ പ്രകാശനം ചെയ്യുമെന്ന് സംഘാടകര്‍ കല്‍പ്പറ്റയില്‍ വാര്‍ത്താസമ്മേളനത്തില്‍ പറഞ്ഞു. പ്രശസ്ത കവി പവിത്രന്‍ തീക്കുനി പുസ്തകപ്രകാശനം നിര്‍വഹിക്കും. ഷാജി പുല്‍പ്പള്ളി പുസ്തകം ഏറ്റുവാങ്ങും. ലൈബ്രറി കൗണ്‍സില്‍ ജില്ലാ ജോയിന്‍ സെക്രട്ടറി എ.കെ രാജേഷ്, വാര്‍ഡ് മെമ്പര്‍ ഷീല രാംദാസ്, ടി.കെ സരിത തുടങ്ങിയവര്‍ ചടങ്ങില്‍ പങ്കെടുക്കും. നീര്‍മാതളം ബുക്‌സാണ് പ്രസാധകര്‍. ഏച്ചോം സര്‍വോദയ ഹയര്‍ സെക്കന്‍ഡറി സ്‌കൂളിലെ അധ്യാപികയായിരുന്നു കെ.ജി സരോജിനിയമ്മ. സ്ത്രീകളുമായി ബന്ധപ്പെട്ട 26 കവിതകളടങ്ങിയ പുസ്തകമാണ് പ്രകാശനം ചെയ്യുന്നത്.
