പ്രളയം തകര്ത്തവര്ക്ക് ആശ്വാസവുമായി ബാംഗ്ലൂര് ചാപ്റ്റര്
പ്രളയം തകര്ത്തവര്ക്ക് സ്വാന്തനവുമായി വയനാട് ഗവ.എഞ്ചിനീയറിംഗ് കോളേജ് പൂര്വ്വ വിദ്യാര്ത്ഥി സംഘടന ബാംഗ്ലൂര് ചാപ്റ്റര് രംഗത്തെത്തി. മാനന്തവാടി മണ്ഡലത്തിലെ പ്രളയം കൂടുതല് ബാധിച്ച തൊണ്ടര്നാട് പഞ്ചായത്തിലെ എട്ടോളം നിര്ദ്ദന കുടുംബങ്ങള്ക്കാണ് കിടക്ക, കട്ടില് തുടങ്ങിയവ ഈ സംഘടനയുടെ നേതൃത്വത്തില് നല്കിയത്. അര ലക്ഷത്തോളം രൂപയുടെ സാധനങ്ങളാണ് ഇവര് വിതരണം ചെയ്തത്. ഇവര്ക്കായി കട്ടില്- കിടക്ക ഉള്പ്പെടെയുള്ളവര്ക്ക് ലാഭം ഈടാക്കാതെ നല്കി മാനന്തവാടി വുഡ്ലാന്റ് ഉടമ ടി.കെ അനില്കുമാറും മാതൃകയായി. പരിപാടി മാനന്തവാടി എംഎല്എ ഒ.ആര് കേളു ഉദ്ഘാടനം ചെയ്തു.ബാംഗ്ലൂര് അലുമിനി സെക്രട്ടറി അര്ജുന് സുന്ദരേശന്, രഞ്ജിത്ത് കുമാര്, പ്രൊഫസര് ഷബീര് കെ.പി എന്നിവര് പരിപാടിയില് പങ്കെടുത്തു.