പുല്‍പ്പള്ളി ചേപ്പിലയില്‍ തെരുവുനായയുടെ ആക്രമണം 6 ഓളം വളര്‍ത്തു മൃഗങ്ങള്‍ക്ക് കടിയേറ്റു. ഇന്ന് രാവിലെ 9 മണിയോടെ കൂട്ടില്‍ കെട്ടിയിട്ടിരുന്ന പശുക്കള്‍ക്കാണ് തെരുവുനായയുടെ കടിയേറ്റത്.പ്രദേശത്തെ ശിവന്‍,കാര്‍ത്തികന്‍ ,മനോഹരന്‍ ദിനേശന്‍, ഗോപി എന്നിവരുടെ വളര്‍ത്തുമൃഗങ്ങളെയാണ് ആക്രമിച്ചത്. പേപ്പട്ടിയാണെന്ന സംശയത്തെ തുടര്‍ന്ന് വെറ്റിനറി സര്‍ജന്‍ സ്ഥലത്തെത്തി പരിശോധന നടത്തി. വഴിയാത്രക്കാരെയും നായ ആക്രമിച്ചു.ജനങ്ങള്‍ ഭീതിയിലായിലാണ്. ആക്രമണകാരിയായ തെരുവ് നായയെ പിടികൂടാന്‍ നടപടി സ്വീകരിക്കണമെന്നാവശ്യപ്പെട്ട് പ്രദേശവാസികള്‍ പുല്‍പ്പള്ളി പോലീസില്‍ പരാതി നല്‍കി.
