വേലിയമ്പം മടാപറമ്പ് ശിവന്‍,പുല്‍പ്പള്ളി ആനപ്പാറ മണി എന്നിവരെയാണ് കേണിച്ചിറ പോലീസ് അറസ്റ്റ് ചെയ്തത്.വേലിയമ്പം മടാപറമ്പില്‍ ജലജീവന്‍ മിഷന്‍ പദ്ധതിയുടെ ഭാഗമായി വീടുകളില്‍ സ്ഥാപിച്ച പിച്ചള കൊണ്ട് നിര്‍മ്മിച്ച വാട്ടര്‍ മീറ്ററുകളും അനുബന്ധ വസ്തുക്കളുമാണ് ഇവര്‍ മോഷ്ടിച്ചത്.കേണിച്ചിറ പോലീസ് സബ് ഇന്‍സ്‌പെക്ടര്‍ ശിവാനന്ദന്റെ നേതൃത്വത്തിലാണ് പ്രതികളെ അറസ്റ്റ് ചെയ്തത്. സീനിയര്‍ സിപിഒ സുനി പി.കെ,സിപിഒ മഹേഷ് എന്നിവരും സംഘത്തില്‍ ഉണ്ടായിരുന്നു.പ്രതികളില്‍ നിന്നും മോഷണ വസ്തുക്കള്‍ കണ്ടെടുത്തു.പ്രതികളെ കോടതിയില്‍ ഹാജരാക്കി.
