ജില്ലയില്‍ ഗുണ്ടകള്‍ക്കും-സാമൂഹ്യ വിരുദ്ധര്‍ക്കുമെതിരെ പ്രത്യേക പരിശോധനയുമായി വയനാട് പോലീസ്. ഓപ്പറേഷന്‍ ആഗ് എന്ന പേരില്‍ നടത്തിയ പരിശോധനയില്‍ ഒളിവില്‍ കഴിയുകയായിരുന്ന 16 പേരെ പിടികൂടി. സ്ഥിരം കുറ്റവാളികള്‍, കാപ്പ ചുമത്തിയവര്‍, പിടികിട്ടാപ്പുള്ളികള്‍ എന്നിങ്ങനെയുള്ളവരെ പിടികൂടി കൂടുതല്‍ നിയമ നടപടികള്‍ സ്വീകരിക്കുന്നതിന്റെ ഭാഗമായാണ് പരിശോധന. സാമൂഹ്യ വിരുദ്ധരെയും ഗുണ്ടകളെയും അമര്‍ച്ച ചെയ്യുന്നതോടൊപ്പം കുറ്റകൃത്യങ്ങള്‍ തടയുക എന്നതാണ് ഓപ്പറേഷന്‍ ആഗിലൂടെ പോലീസ് ലക്ഷ്യമിടുന്നത്. വരും ദിവസങ്ങളിലും കര്‍ശന പരിശോധനകളുണ്ടാവുമെന്നും ജില്ലാ പോലീസ് മേധാവി അറിയിച്ചു.
