ബത്തേരി നഗരത്തിലെ അശരണര്‍ക്കും കിടപ്പു രോഗികള്‍ക്കും കേക്ക് വിതരണം ചെയ്തു. നഗരസഭ ഹരിത കര്‍മ്മ സേനയുടെ നേതൃത്വത്തിലാണ് കേക്ക് വിതരണം ചെയ്തത്.80 ഓളം കേക്കുകള്‍ ആണ് ഹരിത കര്‍മ്മ സേനയുടെ നേതൃത്വത്തില്‍ വിതരണം ചെയ്തത്.പരിപാടിയുടെ ഉദ്ഘാടനം നഗരസഭ അങ്കണത്തില്‍ ചെയര്‍മാന്‍ ടി കെ രമേശ് നിര്‍വഹിച്ചു.
സുല്‍ത്താന്‍ ബത്തേരി നഗരത്തിലെ അശരണര്‍ക്കും ഫുട്പാത്ത് കേന്ദ്രീകരിച്ച് ജോലി ചെയ്യുന്നവര്‍ക്കും നഗരസഭയിലെ കിടപ്പുരോഗികള്‍ക്കുമാണ് ക്രിസ്ത്മസ് സന്തോഷം പങ്കുവെച്ച് കേക്ക് വിതരണം ചെയ്തത്. 80 ഓളം കേക്കുകള്‍ ആണ് ഹരിത കര്‍മ്മ സേനയുടെ നേതൃത്വത്തില്‍ വിതരണം ചെയ്തത്. കേക്കുകള്‍ ഓരോരുത്തര്‍ക്കും നേരിട്ട് എത്തിച്ചു നല്‍കുകയും ചെയ്തു.നഗരസഭ ആരോഗ്യകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഷാമില ജുനൈസ് അധ്യക്ഷയായി. ഹരിത കര്‍മ്മ സേന പ്രസിഡന്റ് ഇ എം രജനി, ഹരിത കര്‍മ്മ സേന കോഡിനേറ്റര്‍ അന്‍സില്‍ ജോണ്‍, കൗണ്‍സിലര്‍മാരായ സലീം മഠത്തില്‍, ഷൗക്കത്ത് കള്ളിക്കൂടന്‍, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ വി കെ സജീവ്, ഹരിത കര്‍മ്മ സേന സെക്രട്ടറി സിന്ധു എല്‍ദോസ് സംസാരിച്ചു.
