സംസ്ഥാനത്ത് ഇന്നും ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥാ വിഭാഗം മുന്നറിയിപ്പ്. മലയോര മേഖലകളിലും ശക്തമായ മഴയ്ക്ക് സാധ്യതയുണ്ട്. അഞ്ച് ജില്ലകളില് യെല്ലോ അലര്ട്ട് ആണ്. തിരുവനന്തപുരം, പത്തനംതിട്ട, എറണാകുളം, ഇടുക്കി, വയനാട് ജില്ലകളിലാണ് യെല്ലോ അലര്ട്ട്.
ബംഗാള് ഉള്ക്കടലില് ഒരു ന്യൂനമര്ദ്ദത്തിന് കൂടി സാധ്യതയുണ്ടെന്നും മഴ ശക്തമാകുമെന്നും റവന്യൂ മന്ത്രി രാജന് അറിയിച്ചു. അനാവശ്യ യാത്രകള് പരമാവധി ഒഴിവാക്കണം. ഉച്ചക്ക് ശേഷം ഇടിമിന്നലോട് കൂടിയുള്ള മഴക്ക് സാധ്യതയുണ്ട്. നാളെയോടെ മഴ കുറയുമെന്നാണ് പ്രതീക്ഷ.
നവംബര് 25 ഓടെ തെക്കന് ആന്ഡമാന് കടലിനു മുകളില് രൂപപ്പെടുന്ന ചക്രവാത ചുഴി നവംബര് 26 ഓടെ ന്യുന മര്ദ്ദമായി ശക്തി പ്രാപിക്കാന് സാധ്യത.തുടര്ന്ന് പടിഞ്ഞാറു വടക്ക് പടിഞ്ഞാറു ദിശയില് സഞ്ചരിച്ചു നവംബര് 27 ഓടെ തെക്ക് കിഴക്കന് ബംഗാള് ഉള്ക്കടലിനും ആന്ഡമാന് കടലിനും മുകളില് തീവ്ര ന്യുന മര്ദ്ദമായി ശക്തി പ്രാപിക്കാന് സാധ്യത.