പുല്‍പ്പള്ളി വിജയ ഹയര്‍ സെക്കണ്ടറി സ്‌കൂള്‍ എന്‍.എസ്.എസ് യൂണിറ്റിന്റെ നേതൃത്വത്തില്‍ കേശദാന ക്യാമ്പ് സംഘടിപ്പിച്ചു. ക്യാന്‍സര്‍ ചികിത്സയില്‍ മുടി നഷ്ടപ്പെട്ട സ്ത്രീകള്‍ക്ക് സൗജന്യമായി വിഗ്ഗ് നിര്‍മ്മിച്ച് നല്‍കുന്നതിന് തൃശ്ശൂര്‍ അമല മെഡിക്കല്‍ കോളേജുമായി സഹകരിച്ചാണ് ക്യാമ്പ് സംഘടിപ്പിച്ചത്. പുല്‍പ്പള്ളി ഗ്രാമപഞ്ചായത്ത് വൈസ് പ്രസിഡന്റ് ശോഭ സുകു ഉദ്ഘാടനം ചെയ്തു. അധ്യാപകരും വിദ്യാര്‍ത്ഥികളും പൊതു ജനങ്ങളുമടക്കം മുപ്പതോളം വ്യക്തികളാണ് മുടി ദാനം ചെയ്യാന്‍ എത്തിയത്. പിടിഎ പ്രസിഡന്റ് ഷമീര്‍ ടിഎം, പ്രിന്‍സിപ്പല്‍ സതി കെഎസ് , കിഷോര്‍ കുമാര്‍, ഷിജി സെബാസ്റ്റ്യന്‍ , എന്‍ എസ് എസ് പ്രോഗ്രാം ഓഫീസര്‍ ബിജോയ് വേണുഗോപാല്‍ തുടങ്ങിയവര്‍ സംസാരിച്ചു. ലീഡര്‍മാരായ അനില്‍ഡ കെ ഷജില്‍, സിദ്ധാര്‍ത്ഥ്, ലസിയ ചാരിറ്റ്, ബെസ്റ്റിന്‍ തുടങ്ങിയവര്‍ നേതൃത്വം നല്‍കി.
