ഭൂരഹിത ഫോറസ്റ്റ് ലീസ് കര്‍ഷക സമരസമിതി നേതൃത്വത്തില്‍ ശനിയാഴ്ച ഉച്ചയ്ക്കുശേഷം രണ്ട് മണിക്ക് നായിക്കട്ടിയില്‍ ബഹുജനറാലിയും അവകാശ പ്രഖ്യാപന കണ്‍വെന്‍ഷനും നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ലീസ് കര്‍ഷകര്‍ക്ക് പട്ടയം അനുവദിക്കുക, കൈവശാവകാശ രേഖ നല്‍കി വര്‍ഷങ്ങള്‍ കഴിഞ്ഞ ഗോത്ര വിഭാഗത്തിനും പട്ടയം നല്‍കുക, ജില്ലയിലെ ഭൂരഹിതരായവര്‍ക്ക് ഭൂമി നല്‍കുക, ഫോറസ്റ്റ് ലീസ് കര്‍ഷകരുടെ ഭൂമി സംയുക്ത സര്‍വ്വേയില്‍ ഉള്‍പ്പടുത്തുക എന്നീ ആവശ്യങ്ങള്‍ ഉന്നയിച്ചാണ് റാലിയും കണ്‍വെന്‍ഷനും നടത്തുന്നത്. ബഹുജന റാലിക്ക്ശേഷം നായക്കട്ടി എ.എല്‍.പി സ്‌കൂളില്‍ അവകശാപ്രഖ്യാപന കണ്‍വെന്‍ഷന്‍ ഹിന്ദുഐക്യവേദി സംസ്ഥാന വക്താവ് ഇ. എസ് ബിജു ഉദ്ഘാടനം ചെയ്യും. നിരവധി സംഘടനാനേതാക്കള്‍ കണ്‍വെന്‍ഷനില്‍ പങ്കെടുക്കുമെന്നും ഭാരവാഹികള്‍ അറിയിച്ചു.
