ആരോഗ്യ വകുപ്പിന്റെയും ദേശീയ ആരോഗ്യ ദൗത്യത്തിന്റെയും ജില്ലാ മാനസികാരോഗ്യ പരിപാടിയുടെയും സംയുക്ത ആഭിമുഖ്യത്തില്‍ സംഘടിപ്പിച്ച ലോക മാനസികാരോഗ്യ ദിനാചരണത്തിന്റെ ജില്ലാതല ഉദ്ഘാടനം ജില്ല പഞ്ചായത്ത് പ്രസിഡന്റ് സംഷാദ് മരക്കാര്‍ നിര്‍വഹിച്ചു.പുല്‍പ്പള്ളി ജയശ്രീ ആര്‍ട്‌സ് ആന്‍ഡ് സയന്‍സ് കോളേജില്‍ നടന്ന പരിപാടിയില്‍ ഗ്രാമ പഞ്ചായത്ത് പ്രസിഡന്റ് ടി.എസ് ദിലീപ് കുമാര്‍ അധ്യക്ഷനായിരുന്നു.
ആരോഗ്യ ദൗത്യം ജില്ലാ പ്രോഗ്രാം മാനേജര്‍ ഡോ.സമീഹസൈതലി ദിനാചരണ സന്ദേശം നല്‍കി.ക്ലിനിക്കല്‍ സൈക്കോളജിസ്റ്റ് പി.ആര്‍ അശ്വതിയും സൈക്യാട്രിക് സോഷ്യല്‍ വര്‍ക്കര്‍ ആശ പോളും ക്ലാസുകള്‍ നല്‍കി മാനസികാരോഗ്യവും യുവ സമുഹവും എന്ന വിഷയത്തില്‍ ടാബ്ലോ മത്സരം നടത്തി. ലോക മാനസികാരോഗ്യ ദിനാചരണത്തിന്റെ ഭാഗമായി സംഘടിപ്പിച്ച മത്സരങ്ങളില്‍ വിജയികളായവര്‍ക്കുള്ള സമ്മാനദാനവും അനുഭവസാക്ഷ്യം എന്ന ഹ്രസ്വ സിനിമയുടെ പ്രകാശനവും ആദ്യ പ്രദര്‍ശനവും വിദ്യാര്‍ത്ഥികളുടെ കലാപരിപാടികളും ഫ്‌ളാഷ് മോബും നടന്നു. ഡെപ്യൂട്ടി ജില്ലാ മെഡിക്കല്‍ ഓഫീസര്‍ ഡോ. പ്രിയ സേനന്‍, പുല്‍പ്പള്ളി സാമൂഹ്യ ആരോഗ്യ കേന്ദ്രം മെഡിക്കല്‍ ഓഫീസര്‍ ഡോ.കെ.പ്രഭാകരന്‍ ജില്ലാ മാനസികാരോഗ്യ പരിപാടി സൈക്യാട്രിസ്റ്റ് ഡോ.കെ.ജംഷീല ജില്ലാ എജ്യുക്കേഷന്‍ ആന്‍ഡ് മീഡിയ ഓഫിസര്‍ ഹംസ, ഇസ്മാലി, ഡെപ്യൂട്ടി ജില്ലാ എജ്യുക്കേഷന്‍ ആന്‍ഡ് മീഡിയ ഓഫീസര്‍ കെ.എം മുസ്തഫ, ജയശ്രീ ആര്‍ട്‌സ് ആന്‍ഡ് മീഡിയ ഓഫിസര്‍ കെ.എം.മുസ്തഫ, ജയശ്രീ ആര്‍ട്‌സ് ആന്‍ഡ് സയന്‍സ് കോളേജ് പ്രിന്‍സിപ്പല്‍ ഡോ.എസ് ഷിബു മാനേജര്‍ കെ.ആര്‍ ജയരാജ്, ടെക് നിക്കല്‍ അസിസ്റ്റന്‍മാരായ കെ.എം ഷാജി, കെ എച്ച് സുലൈമാന്‍ എന്നിവര്‍ പ്രസംഗിച്ചു.
