വയനാട് എക്‌സൈസ് സ്‌പെഷ്യല്‍ സ്‌ക്വാഡിലെ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടി.ആര്‍. ഹരിനന്ദനനും പാര്‍ട്ടിയും കേരള എക്‌സൈസ് മൊബൈല്‍ ഇന്റര്‍വെന്‍ഷന്‍ യൂണിറ്റും സംയുക്തമായി മരക്കടവ് ഭാഗത്ത് നടത്തിയ വാഹന പരിശോധനയില്‍ കെഎല്‍ 73 എ 896 നമ്പര്‍ ഹോണ്ട ഡിയോ സ്‌കൂട്ടറിന്റെ രഹസ്യ അറയില്‍ ഒളിപ്പിച്ച് കടത്തുകയായിരുന്ന 300 ഗ്രാം കഞ്ചാവ് കണ്ടെടുത്ത് കേസെടുത്തു. വാഹനം ഓടിച്ചിരുന്ന നമ്പ്യാര്‍കുന്ന് സ്വദേശി പുളിക്കല്‍ വീട്ടില്‍ നൗഫല്‍ (26) എന്നയാളെ അറസ്റ്റ് ചെയ്തു. കഞ്ചാവ് കടത്തിയ വാഹനവും കസ്റ്റഡിയില്‍ എടുത്തു. സുല്‍ത്താന്‍ ബത്തേരി, നമ്പ്യാര്‍കുന്ന് എന്നിവിടങ്ങളില്‍ കഞ്ചാവ് എത്തിച്ച് വില്‍പ്പന നടത്തുന്ന പ്രധാന കണ്ണികളില്‍ ഒരാളെയാണ് അറസ്റ്റ് ചെയ്തത്.
