തിരുനെല്ലി പോലീസ് സ്റ്റേഷന്‍ പരിധിയില്‍ വീട്ടമ്മയെ പീഡിപ്പിക്കാന്‍ ശ്രമിച്ച യുവാവിനെ പോലീസ് അറസ്റ്റ് ചെയ്തു. കാട്ടിക്കുളം ടൗണിലെ ഓട്ടോ ഡ്രൈവര്‍ പനവല്ലി പുളിമൂട്കുന്ന് കോട്ടമ്പത്ത് വീട്ടില്‍ സതീശന്‍ (25) ആണ് അറസ്റ്റിലായത്. വിധവയായ വീട്ടമ്മ വീട്ടില്‍ തനിച്ചുള്ളപ്പോള്‍ അതിക്രമിച്ച് കയറി മാനഭംഗപ്പെടുത്താന്‍ ശ്രമിക്കുകയായിരുന്നു. വീട്ടമ്മ ബഹളം വെച്ചപ്പോള്‍ പ്രതി ഇറങ്ങിയോടുകയായിരുന്നുഎന്നാണ് പരാതിയില്‍ പറയുന്നത്. രണ്ട് ദിവസം മുന്‍പാണ് സംഭവം. തിരുനെല്ലി പോലീസ് ഇന്‍സ്‌പെക്ടര്‍ ജി.വിഷ്ണുവിന്റെ നേതൃത്വത്തിലാണ് പ്രതിയെ അറസ്റ്റ് ചെയ്തത്.കോടതിയില്‍ ഹാജരാക്കിയ പ്രതിയെ റിമാണ്ട് ചെയ്തു. മുമ്പും വിവിധ കേസുകളില്‍ ഇയാള്‍ പ്രതിയായിട്ടുണ്ട്.
