ഓണം സ്‌പെഷ്യല്‍ ഡ്രൈവിന്റെ ഭാഗമായി ബത്തേരി എക്‌സൈസ് സര്‍ക്കിള്‍ സംഘം ബീനാച്ചി ഭാഗത്ത് നടത്തിയ പരിശോധനയില്‍ വില്‍പ്പനയ്ക്കായി സൂക്ഷിച്ച 21 ലിറ്റര്‍ മദ്യവുമായി കല്ലൂര്‍ 67 കാഞ്ഞിരക്കാട്ട് വീട്ടില്‍ ബാലന്‍.സി (57) പിടിയില്‍. ഇയാള്‍ നിരവധി അബ്കാരി കേസുകളില്‍ പ്രതിയാണ്. പ്രിവന്റീവ് ഓഫീസര്‍ എം.എ. സുനില്‍കുമാറിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്.
പരിശോധനയില്‍ എക്‌സൈസ് ഓഫീസര്‍മാരായ ശിവന്‍.പി പി. ഷെഫീഖ് എം.ബി, ബാബു ആര്‍ സി എന്നിവര്‍ പങ്കെടുത്തു. ബത്തേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി 1 ല്‍ ഹാജരാക്കിയ പ്രതിയെ റിമാന്‍ന്റ് ചെയ്തു.
