മേപ്പാടി കെ.ബി.റോഡിലെ ലോട്ടറി കടയില്‍ അനധികൃതമായി സഞ്ചിയിലാക്കി സൂക്ഷിച്ച അര ലിറ്ററിന്റെ 38 കുപ്പി ഇന്ത്യന്‍ നിര്‍മ്മിത വിദേശമദ്യം കല്‍പ്പറ്റ എക്സൈസ് സ്പെഷ്യല്‍ സ്‌ക്വാഡ് പിടികൂടി.കടയിലുണ്ടായിരുന്ന കടൂര്‍ സ്വദേശി പ്രവീണിനെ എക്സൈസ് സ്‌ക്വാര്‍ഡ് കസ്റ്റഡിയിലെടുത്തു.മറ്റൊരാള്‍ മദ്യക്കുപ്പികള്‍ ഒളിപ്പിച്ചു വെച്ച സഞ്ചി കടയില്‍ താല്കാലികമായി സൂക്ഷിക്കാന്‍ ഏല്‍പ്പിച്ചതാണെന്ന പ്രവീണിന്റെ മൊഴിയെത്തുടര്‍ന്ന് എക്സൈസ് സംഘം അയാളെ അന്വേഷിക്കുന്നു. രണ്ട് ദിവസം മദ്യവില്‍പ്പന ശാലകള്‍ അവധിയായതിനാല്‍ വില്‍പ്പനയ്ക്ക് മുന്‍കൂട്ടി വാങ്ങി സൂക്ഷിച്ച മദ്യമാണ് രഹസ്യ വിവരത്തെത്തുടര്‍ന്ന് എക്സൈസ് സംഘം പിടികൂടിയത്.
