ലോകത്തിന്റെ പാപങ്ങള് ചുമലിലേറ്റി ഗാഗുല്ത്താമലയില് കുരിശുമരണം വരിച്ച യേശുദേവന് മൂന്നാം നാള് ഉയിര്ത്തെഴുന്നേറ്റതിന്റെ ഓര്മ്മ പുതുക്കി ലോകമെങ്ങുമുള്ള ക്രൈസ്തവര് ഇന്ന് ഈസ്റ്റര് ആഘോഷിക്കുന്നു. അന്പത് നോമ്പാചരണത്തിന്റെ അവസാനം കൂടിയാണ് ഈസ്റ്റര്.സ്നേഹത്തിന്റേയും പ്രത്യാശയുടേയും തിരുനാള് കൂടിയാണ് ഈസ്റ്റര്. മനുഷ്യ തിന്മകള് സ്വയം ഏറ്റെടുത്ത് യേശു അതിന്റെ പേരില് കുരിശില് തറക്കപ്പെടുകയും മൂന്നാം നാള് ഉയര്ത്തെഴുന്നേല്ക്കുകയും ചെയ്തു എന്നാണ് വിശ്വാസം. ആ മഹാത്യാഗത്തിന്റെ സ്മരണ പുതുക്കിയാണ് ക്രൈസ്തവര് ഈസ്റ്റര് ആഘോഷിക്കുന്നത്. സംസ്ഥാനത്തെ വിവിധ ദേവാലയങ്ങളില് പ്രത്യേക പ്രാര്ത്ഥനയും തിരുകര്മ്മങ്ങളും നടന്നു.
