വഴിയരികില് വാഹനം നിര്ത്തി ഡോര് തുറക്കുമ്പോള് ശ്രദ്ധിക്കേണ്ട കാര്യങ്ങള് വ്യക്തമാക്കി കേരള പൊലീസിന്റെ ഫെയ്സ് ബുക്ക് പോസ്റ്റ്. വാഹനം പാതയോരത്തു നിര്ത്തിയാല് റോഡിലേക്കുള്ള ഡോര് തുറക്കുന്നതിനു മുമ്പ് ഒരു നിമിഷം പിറകിലോട്ടു നോക്കി മറ്റ് വണ്ടികളൊന്നും വരുന്നില്ലെന്ന് ഉറപ്പാക്കണമെന്ന് പൊലീസ് നിര്ദേശിക്കുന്നു. അശ്രദ്ധമായി ഡോര് തുറക്കുമ്പോള് പിന്നില് നിന്ന് വരുന്ന വാഹനങ്ങള് അപകടത്തില്പ്പെടാനുള്ള സാധ്യതയേറെയാണ്. നിങ്ങളുടെ ഒരു നിമിഷത്തെ അശ്രദ്ധ തകര്ത്തെറിയുന്നത് ഒരു ജീവനാകും എന്ന് സൂചിപ്പിച്ചുകൊണ്ടാണ് പോസ്റ്റ് അവസാനിപ്പിക്കുന്നത്.
കേരളാ പൊലീസിന്റെ ഫെയ്സ്ബുക്ക് പോസ്റ്റ്
വഴിയരികില് വാഹനം നിര്ത്തി ഡോര് തുറക്കുമ്പോള് നിങ്ങള് പിന്നോട്ട് നോക്കാറുണ്ടോ? മിക്കപ്പോഴും നമ്മള് അത് മറന്നു പോകുകയാണ് പതിവ്. എന്നാല് ഇത് അപകടങ്ങള് വിളിച്ച് വരുത്തുകയാണ്. പിന്നില് നിന്ന് വരുന്ന വാഹനങ്ങള് ഇത്തരത്തില് അപകടത്തില്പ്പെടാനുള്ള സാധ്യതയേറെയാണ്.അതിനാല് വാഹനം പാതയോരത്തു നിര്ത്തിയാല് റോഡിലേക്കുള്ള ഡോര് തുറക്കുന്നതിനു മുമ്പ് ഒരു നിമിഷം പിറകിലോട്ടു നോക്കി മറ്റ് വണ്ടികളൊന്നും വരുന്നില്ലെന്ന് ഉറപ്പാക്കുക. കഴിയുമെങ്കില് ഇടതു കൈ ഉപയോഗിച്ച് ഡോര് പതിയെ തുറക്കുക. അപ്പോള് പൂര്ണമായും ഡോര് റോഡിലേക്ക് തുറക്കുന്നത് ഒരു പരിധിവരെ ഒഴിവാക്കാം. ശ്രദ്ധിക്കുക, നിങ്ങളുടെ ഒരു നിമിഷത്തെ അശ്രദ്ധ തകര്ത്തെറിയുന്നത് ഒരു ജീവനാകും.
