തമിഴ്‌നാട് ഗൂഡല്ലൂര്‍ ധര്‍മ്മപുരി പാളൈയം സ്വദേശി വടിവേല്‍ അണ്ണാമലൈ (52) ആണ് മരിച്ചത്.റോഡ് മുറിച്ച് കടക്കുകയായിരുന്ന വടിവേലിനെ ഇടിച്ച ബൈക്ക് മറ്റൊരു ബൈക്കില് ഇടിച്ച് യാത്രികരായ കൃഷ്ണഗിരി സ്വദേശികളായ 2 പേര്‍ക്കും പരിക്കേറ്റു. മീനങ്ങാടി ഗ്രാമപഞ്ചായത്തിലെ ജലജീവന്‍ മിഷന്‍ കുടിവെള്ള കണക്ഷന്‍ നല്‍കുന്നതിനായുള്ള കരാര്‍ കമ്പനിയിലെ ജീവനക്കാരനാണ്. 2 ദിവസത്തെ ലീവിന് നാട്ടില്‍ പോകുന്നതിനായി മധുകൊല്ലി രാമഗിരിയിലെ വാടക വീട്ടില്‍ നിന്നും ടൗണിലേക്ക് വരുമ്പോള്‍ വൈകുന്നേരം 5.30 ഓടെ മീനങ്ങാടി 54 മധു കൊല്ലി റോഡിന് സമീപത്ത് വച്ചാണ് അപകടമുണ്ടായത്.ഗുരുതരമായി പരിക്കേറ്റ ഇയാളെ ബത്തേരിയിലെ സ്വകാര്യ ആശുപത്രിയിലാണ് ആദ്യം പ്രവേശിപ്പിച്ചത്. പരിക്ക് ഗുരുതരമായതിനാല്‍ മെഡിക്കല്‍ കോളേജിലേക്കുള്ള യാത്രാമധ്യേയാണ് ഇയാള്‍ മരണപ്പെട്ടത്. മൃതദേഹം സുല്‍ത്താന്‍ ബത്തേരി താലൂക്കാശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.
