സുല്ത്താന്ബത്തേരി പഴേരിയില് കാട്ടാനകള് ഏക്കറുകണക്കിന് നെല്കൃഷി നശിപ്പിച്ചത്.സമീപത്തെ വനത്തില് നിന്നും ട്രഞ്ചടക്കമുള്ള പ്രതിരോധ സംവിധാനങ്ങള് തകര്ത്താണ് കാട്ടാനകൂട്ടം വയലുകളില് എത്തി കൃഷിനശിപ്പിക്കുന്നത്. വനംവകുപ്പിന്റെ ഭാഗത്തുനിന്നും പ്രതിരോധ നടപടികള് ഇല്ലന്നും കാട്ടാനശല്യത്തിന് ശാശ്വത പരിഹാരം കാണണമെന്നും കര്ഷകര്.പഴേരി പാടശേഖരത്തിലാണ് കാട്ടാനകളെ കൊണ്ട് കര്ഷകര് പൊറുതിമുട്ടിയിരിക്കുന്നത്. സന്ധ്യമയങ്ങിയാല് സമീപത്തെ വനത്തില് നിന്നും കൂട്ടമായി എത്തുന്ന കാട്ടാനകൂട്ടം വ്യാപകമായാണ് നെല്കൃഷി നശിപ്പിക്കുന്നത്. കഴിഞ്ഞദിവസങ്ങളില് ഇറങ്ങിയ കാട്ടാനകൂട്ടം പുതുവീട് പ്രഭാകരന്, കൊട്ടാരക്കുന്നേല് ജോര്ജ്, പഴേരി ജോബി, രജേഷ്കുമാര് എന്നിവരുടെ നെല്കൃഷിയാണ് നശിപ്പിച്ചത്. കതിരുചാടി നെല്ചെടികള് തിന്നും ചവിട്ടിയുമാണ് നശിപ്പിക്കുന്നത്. കൂടാതെ സമീപത്തെ ഗോത്രവര്ഗക്കാര് ഇറക്കിയ നെല്കൃഷിയും കാട്ടാനകള് നശിപ്പിച്ചു. സമീപത്ത വനമേഖലയില് നിന്നും ആനപ്രതിരോധ കിടങ്ങും, കര്ഷകര് സ്വന്തമായി കൃഷിയിടത്തിനുചുറ്റും സ്ഥാപിച്ച ഫെന്സിങ്ങും തകര്ത്താണ് കാട്ടാനകള് കൃഷിയിടത്തില് എത്തുന്നത്. നെല്കൃഷിക്ക് പുറമെ കന്നുകാലികളെ കെട്ടിയ ആലയും, പറമ്പിലെ തെങ്ങ്, കവുങ്ങ് അടക്കമുള്ള കൃഷികളും കാട്ടാനകള് നശിപ്പിക്കുകയാണ്. കാട്ടന ഇറങ്ങി കൃഷി നശിപ്പിച്ചത് കാണാന് എത്തുന്നതല്ലാതെ വനംവകുപ്പിന്റെ ഭാഗത്തുനിന്നും പ്രതിരോധ നടപടികളൊന്നും ഉണ്ടാകുന്നില്ലന്നാണ് കര്ഷകരുടെ ആരോപണം.
Sign in
Sign in
Recover your password.
A password will be e-mailed to you.