പുളിയാര്‍മല കെ.എം.എം ഗവ.ഐ.ടി.ഐ, ചുള്ളിയോട് വനിതാ ഐടിഐ എന്നിവിടങ്ങളില്‍ എസ്.എഫ്.ഐ മുഴുവന്‍ സീറ്റുകളിലും വന്‍ ഭൂരിപക്ഷത്തില്‍ വിജയിച്ചു.ഈ അധ്യയന വര്‍ഷത്തിലെ മുഴുവന്‍ കോളേജ് യൂണിയന്‍ ഇലക്ഷനുകളിലും എസ്.എഫ്.ഐ ജില്ലയില്‍ വന്‍ മുന്നേറ്റമാണ് രചിച്ചത്.മുന്‍പ് നടന്ന തിരഞ്ഞെടുപ്പുകളില്‍ കാലിക്കറ്റ് സര്‍വകലാശാല ക്യാമ്പസുകളില്‍ 12ല്‍ 11 കോളേജുകളിലും, കണ്ണൂര്‍ സര്‍വകലാശാല ക്യാമ്പസുകളില്‍ 5ല്‍ 4 കോളേജുകളിലും, ജില്ലയിലെ മുഴുവന്‍ പോളി ടെക്നിക്കുകളിലും, സംഘടനാടിസ്ഥാനത്തില്‍ തിരഞ്ഞെടുപ്പ് നടന്ന ജില്ലയിലെ മുഴുവന്‍ പാരലല്‍ കോളേജുകളിലും വിജയിച്ച് എസ്എഫ്ഐ ചരിത്ര നേട്ടം കൈവരിച്ചിരുന്നു. ശില്‍പാ എം.പി യാണ് ചുള്ളിയോട് വനിതാ ഐ.ടിഐയിലെ ചെയര്‍മാന്‍ ആയി തിരഞ്ഞെടുത്തത്. സല്‍മാനുല്‍ ഫാരിസാണ് കല്‍പ്പറ്റ ഐടിഐയില്‍ ചെയര്‍മാനായി തിരഞ്ഞെടുക്കപ്പെട്ടത്.
