അഖിലേന്ത്യാ ജനാധിപത്യ മഹിളാ അസോസിയേഷന്‍ കല്‍പ്പറ്റ ഏരിയാ കണ്‍വന്‍ഷന്‍ ദേശീയ വൈസ് പ്രസിഡന്റ് പി കെ ശ്രീമതി ഉദ്ഘാടനം ചെയ്തു.മതനിരപേക്ഷത കാത്തുസൂക്ഷിക്കുന്ന കേരളത്തില്‍ കലാപമുണ്ടാക്കാനാണ് ആര്‍എസ്എസും എസ്ഡിപിഐയും ശ്രമിക്കുന്നതെന്ന് പികെ ശ്രീമതി. എരിതീയില്‍ എണ്ണെയൊഴിക്കുന്ന സമീപനമാണ് കോണ്‍ഗ്രസിന്റെ ഭാഗത്തുനിന്നും ഉണ്ടാവുന്നതെന്നും, രാജ്യത്ത് സ്ത്രീകള്‍ക്ക് സംരക്ഷണം ഇല്ലാതാവുകയാണെന്നും പി കെ ശ്രീമതി പറഞ്ഞു.സിജി റോഡ്രിഗ്സ് അധ്യക്ഷയായിരുന്നു. സിപിഐ എം കല്‍പ്പറ്റ ഏരിയാ സെക്രട്ടറി വി ഹാരീസ്, മഹിളാ അസോസിയേഷന്‍ ജില്ലാ പ്രസിഡന്റ് പി ആര്‍ നിര്‍മല, വിശാലാക്ഷി, ടി ജി ബീന എന്നിവര്‍ സംസാരിച്ചു.പ്രസിഡന്റായി സനിതാ ജഗദീഷിനെയും സെക്രട്ടറിയായി ടി ജി ബീനയെയും ട്രഷററായി റയ്ഹാനത്തിനെയും കണ്‍വെന്‍ഷനില്‍ തെരഞ്ഞെടുത്തു.
