നൂല്‍പ്പുഴ പഞ്ചായത്തില്‍ ടെക്നിക്കല്‍ അസിസ്റ്റന്റ് നിയമനവുമായി ബന്ധപ്പെട്ട് അഴിമതിയും സ്വജനപക്ഷപാതവുമാണ് നടന്നതെന്നാരോപിച്ച് ഡിവൈഎഫ്ഐ നൂല്‍പ്പുഴ പഞ്ചായത്ത് കമ്മറ്റിയുടെ നേതൃത്വത്തില്‍ പഞ്ചായത്ത് ഓഫീസിലേക്ക് മാര്‍ച്ചും ധര്‍ണ്ണയുംനടത്തി. പ്രതിഷേധ പരിപാടി സിപിഎ ജില്ലാകമ്മറ്റിയംഗം പി ആര്‍ ജയപ്രകാശ് ഉദ്ഘാടനം ചെയ്തു. മേഖല പ്രസിഡണ്ട് വിന്‍സന്റ് അധ്യക്ഷനായിരുന്നു. ടി കെ ശ്രീജന്‍, മനോജ് അമ്പാടി, സിബിന്‍, ബാബു, ഹരികൃഷ്ണന്‍ തുടങ്ങിയവര്‍ സംസാരിച്ചു.
