പുല്‍പള്ളി കമ്മ്യൂണിറ്റി ഹെല്‍ത്ത് സെന്ററില്‍ രോഗികളെ ചികിത്സിക്കാന്‍ ഡോക്ടര്‍ വിസമ്മതിച്ചതായി പരാതി. ഡോ. ജോബിയ്ക്കെതിരേ പരാതിയുമായി രോഗികള്‍ രംഗത്ത്. ഇന്ന് രാവിലെ പത്ത് മണിയോടെയാണ് ക്യൂ നിന്ന രോഗികളോട് ഡോക്ടര്‍ തട്ടിക്കയറി പുറത്തേക്കിറങ്ങി പോയത്. തുടര്‍ന്ന് രോഗികള്‍ ഇത് ചോദ്യം ചെയ്തു, സംഭവം വിവാദമായതോടെ ഒരു മണിക്കൂറിന് ശേഷം ഡോക്ടര്‍ വീണ്ടും രോഗികളെ പരിശോധിക്കാനെത്തി. ചികിത്സയ്ക്കെത്തിയ കാപ്പിസെറ്റ് സ്വദേശി ബോബനെ ഡോക്ടര്‍ ഭീഷണിപ്പെടുത്തുകയും ചികിത്സിക്കില്ലെന്ന് പറയുകയും ചെയ്തു. നിര്‍ധനരായ രോഗികള്‍ക്ക് നേരേ ഭീഷണി മുഴക്കുകയും അസഭ്യം പറയുകയും ചെയ്ത ഡോക്ടര്‍ക്കെതിരേ നടപടി വേണമെന്ന് രോഗികള്‍ ആവശ്യപ്പെട്ടു.
