കൊവിഡ് പ്രതിരോധത്തിനായി ഇന്ത്യക്ക് 1200 ഓക്‌സിജൻ സിലിണ്ടറുകൾ എത്തിച്ച് ബ്രിട്ടൺ. രാജ്യം ഓക്‌സിജൻ ക്ഷാമം നേരിടുന്ന ഘട്ടത്തിൽ വിവിധ ലോകരാജ്യങ്ങളാണ് ഇന്ത്യക്ക് സഹായവുമായി എത്തുന്നത്. ബ്രിട്ടന്റെ സഹായം സ്വീകരിച്ചതിനൊപ്പം ഓക്‌സിജൻ എത്തിച്ച ഖത്തർ എയർവേയ്‌സിനും വിദേശകാര്യ മന്ത്രാലയ വക്താവ് നന്ദി അറിയിച്ചു.
ബ്രിട്ടണിൽ നിന്ന് 1350 ഓക്‌സിജൻ സിലിണ്ടറുകൾ തിങ്കളാഴ്ച ഇന്ത്യയിലെത്തിച്ചിരുന്നു. പിപിഇ കിറ്റുകളും മെഡിക്കൽ ഉപകരണങ്ങളും ഓക്‌സിജൻ കോൺസൻട്രേറ്ററുകളും അടക്കം നിരവധി സഹായങ്ങൾ വിദേശ രാജ്യങ്ങൾ ഇന്ത്യയിലേക്ക് എത്തിക്കുന്നുണ്ട്.
